Ангина хақида умумий маълумот
Ангина [лот. angina – бўғилиш] – Ўткир тонзиллиттанглай муртак безларининг яллиғланиши билан кечадиган касалликдир.
Кўпинча стрептококклар ёки стафилококклар, камроқ ҳолларда бошқа микроорганизмлар, вируслар ва замбуруғлар томонидан чақирилади. Сурункали тонзиллитнинг кучайиши ҳам ангина деб номланади.
Ангина касаллиги ҳаво-томчи йўли билан тарқалиб, унинг спорадик равишда пайдо бўлиши нафас йўлларида яшайдиган шартли патоген микроблар фаоллигининг кўпайишига боғлиқдир. Одатда шартли патоген микроблар одам совқотганда, чанг ҳаводан нафас олганда ҳужумга ўтадилар. Касаллик бошқаларга бемор ишлатган идиш ва қошиқлар орқали юқади. Унинг ривожланишида совқотиш, айниқса оёқларнинг узоқ вақт совуқда қолиб кетиши муҳим роль ўйнайди. Тана совқотганда организмнинг иммунологик реактивлиги камаяди ва шартли патоген бактериялар кўпайишига қулай шароит туғилади. Бундан ташқари, организмнинг шартли патоген микробларга нисбатан сенсибилизация ҳолатида бўлиши ҳам катта аҳамиятга эга. Демак
Туртки бўлувчи омиллар:
• Маҳаллий ва умумий гипотермия (совқотиш);
• Маҳаллий ва умумий иммунитетнинг пасайиши;
• Бодомсимон безларнинг жароҳати;
• Марказий ва вегетатив асаб тизимининг ҳолати (асабийлашиш, стресс)
• Бурундан нафас олишнинг бузилиши (оғизни очиб ухлаш)
• Оғиз бўшлиғи, бурун ва бурун ёндош синусларда сурункали яллиғланиш жараёнлари.

Ангина белгилари
Ютиниш пайтида томоқда турли даражадаги оғриқ;
тана ҳароратининг кескин кўтарилиши (39-40 °C гача, ба’зан 41 °C гача)
Бодомсимон безларнинг шишганлиги (катарал ангина);
Лакуна тешигида фибриноз-йирингли караш (лакунар ангина);
“Юлдузли осмон” йирингли оқ доначалар (фолликуляр ангина);
Олинадиган кулранг-сариқ караш ва унинг остида юзаки кам оғрийдиган яралар (яра-пардали ангина);
Лимфа тугунлари катталашади. Улар пастки жағ остида яхши палпацияланади ва оғриқли ҳисслар чақиради
Умумий интоксикация белгилари;

Даволаш
Юқоридаги белгилар сизда кузатилганда дархол шифокорга мурожат қилинг.

Асосий тавсиялар:
антибиотиклар қабул қилиш;
томоқни антисептик воситалар билан чайиш
яллиғланишга қарши дори воситалари қабул қилиш
касалликнинг дастлабки кунларида ётоқ тартиби;
қўзғатмайдиган, юмшоқ ва озиқали парҳез;
витаминлар,
кўп суюқлик ичиш.

Ангина қандай холатларда операция ёрдамида даволанади?

Агар бемор даволанишига қарамасдан йилига 4-5 марта ангина билан касалланса
Агар беморнинг бошка аъзолари(бугимлар,юрак,буйрак ва хк)га таъсир килган булса ва лабаратор ва бошка текширишлар билан тасдикланган булса
Беморда ангина асорати паратонзилляр абсцесс юзага келган булса
Болаларда тонзиллоген интоксикация ва бошка сабаблар

Ангина кайси мухим аъзоларга ёмон таъсир қилиши мумкин?
Бугимларга таъсир қилиши мумкин: ревматизм,полиартрит
Буйрак касалликлари: уткир ва сурункали гломерулонефрит
Юрак касаликлари:юрак ритми бузилишлари, юрак клапанлари зарарланиши,ревмокардит
Ундан ташкари тери, куз, калконсимон без ва бошка аъзоларга таъсир килиши мумкин.

Ангина