Аллергик тумов хозирда бутун дунё соғлиқни сақлашининг асосий муаммоларидан бири бўлиб турибди. Аллергик тумов билан сайёрамизнинг 40% гача ахолиси азият чекади.(Schoenwetter W.F. 2000).

Аллергик тумовқандай касаллик?
Аллергик тумов бурун шиллиқ қаватининг аллерген таъсирида яллиғланишидир.

Аллергик ринит икки тури мавжуд.

Мавсумий аллергик ринит - аломатлар одатда йилнинг маълум вақтларида, купинча баҳорда, ўсимликларни гуллаш даврида содир бўлади.
Мавсумийлик хос бўлмаган аллергик ринит-аллергия симптомлари йил фаслларига караб эмас, доимий намоён бўлади.

Аллергинлар нима?
Аллергияни келтириб чиқарувчи моддалардир.
Асосий аллергенлар:
Усимлик чанглари. Асосан 3 та мавсум мавжуд: Бахорда айрим дарахтлар (қайин, терак,ёнғоқ, эман) чангланаётган вақти, ёзнинг биринчи ярмида бошоқли усимликлар чангидан (жавдар ва бошқ), Кузда эса бегона ўтлар (шувоқ ва бошқ)
Уй чанги каналари, хайвонларнинг эпидермал аллергенлари, моғор замбуруғлари
Инсоннинг иш фаолияти билан боғлиқ аллергинлар: масалан: Ун,медикаментлар, химикатлар,пар ва патлар,латекс ва бошқалар.

Аллергик тумовнинг асосий клиник белгилари:
Бурундан тиниқ сувли ажралма келиши
Тез-тез акса уриш, кўпинча хуружсимон,купинча эрталаб ёки спонтан келиб қолади.
Бурунда қичишиш, ачишиш булиши.Қичишиш танглайда, қулоқда ва томоқда бўлиши мумкин.
Бурун битиши.
Хид сезишни камайиши

Аллергик тумовнинг умумий белгилари:
Холсизлик, қузғалувчанлик, уйқусизлик
Бош оғриши, тез чарчаб қолиши, диққатни камайиши
Уйқу бузилиши, кайфият тушуши

Туғма аллергик тумов бўлиши мумкинми?
Ҳа, энг аввало, ота-онасида аллергия бор болалар, худди шундай муаммога дуч келишлари мумкин. Аллергик реакцияларкўпинчаболаларучунхосбўлсада, аллергик ринит хохлаганёшдаучрашимумкин. Букасалликўзўзиданхавфлиэмас, лекиндаволанмаса, бронхиал астма, бурундаги полиплар ва бурун ёндош бўшлиқлари кисталари, эшитишнинг бузилишига олиб келиши мумкин.

Аллергик тумов давоси.
Авваламбор аллергенни организмга тушишини олдини олиш.
Бунинг учун қуйидагиларга амал қилиш кераклигини эслатиб ўтамиз:
Аллергенлардан йироқ бўлиш. Бахор ва куз мавсумида маска тақиш.
Китобларни фақат ёпиқ жавонларда сақлаш.
Мебелларни ҳар уч-тўрт кунда нам латта билан артиш.
Уйдаги ҳайвонлар, паррандалар ва аквариум балиқларидан воз кечиш.
Ётоқхона ва тўшакларни ҳар куни шамоллатиб туриш ва уларни ҳафтада бир-икки маротаба тоза ҳавога олиб чиқиб қоқиш.
Ҳафтада бир маротаба уйни нам, тоза латта билан артиш, хонани шамоллатиш.
Чойшабни ҳафтада бир марта алмаштириш.
Чанг кўтарадиган дарпардаларни камайтириш.
Шахсий гигиена қоидаларига амал қилиш.
Аллергия га қарши дори воситалари (диазолин, супрастин, лоратадин,дезлоратадин, цетиризин, левоцетиризин, монтелукаст ва бошқ).
Аллергияга қарши бурун спрейлари (флутиказон фуроат, мометазон,флутиказон пропионат ва бошқ)
Бурун битишини олдини олиш учун жаррохлик йули билан бурун чиғаноқларини радиотулқинли вазотомияси

Аллергик тумов